• Home
• Archive
• Ask
• Random
• Rss
• Theme
• Dashboard

malikotangisipan:

Hindi naman kasalanan ang maging mahirap, OO iskwater sila. Pero bakit kailangan saktan? Kitang-kita kung paano gamitan ng dahas ng mga berdugong myembro ng demolition team ni JV Ejercito ang mamamayan ng San Juan. Nakakalungkot lang isipin na may mga bagay naman na madadaan sa magandang usapan pero humahantong pa sa ganito. Grabe. Ang tanda na nung sinipa eh, respeto kuya. RESPETO. May karapatan din silang mahihirap.

-Veronikka Bacalso

Mahirap tanggapin sa puso nating mga Pilipino na kapwa natin Pilipino ang sumisira sa pangalan at dangal ng sarili nating bansa, ang Pilipinas.

Mga pulitiko na nagbibidabidahan sa mga media. Kapag may kalamidad, sila yung akala mo eh sinong kababait. Kapag panahon ng kampanya, sila yung napakaraming pangako na para “daw” sa mahihirap. Sila daw ang mag-aahon sa mahihirap sa lipunan. Sila daw ang magtatatag ng kapayapaan para sa mga Pilipino. Buong loob daw nilang tatanggapin ang responsibilidad at trabahong ipapataw sakanila ‘pag sila’y nahalal. Sila’y nangako na rin sa atin na hinding-hindi daw sila magnanakaw sa kaban ng bayan. Sila daw ang lalaban sa korupsyon sa bansa.

Pero bakit ganun. Ang mga politikong ating pinagkatiwalaan, hinalal at binigyan ng pwesto sa ating lipunan, ehh sila pang abusado sa kapwa. Nanlalamang sa kapwa nila Pilipino. Dahil ba sila’y makapangyarihan? Hindi ba dapat ay sila ang tumutulong sa mahihirap na Pilipino? Ngunit ang kasalukuyang nangyayari sa ating kapaligiran ay ang kabaliktaran ng mga ipinangako nila sa atin. Ginagamit nila ang kanilang kapangyarihan upang magpa-yaman at mapalago pa nila ang kanilang pera at pag-aari. Bukod dun, abusado ito sa kapangyarihan. Imbis na i-demolish ang mga squatter area ng mahinahon, eh sinasamahan pa nila ng dahas. Marami ang nasaktan. Marami ang nasawi. Pero wala ang katarungan. Sinira na ang bahay nila, binugbog pa sila ng mga gago at utak-talangka na mga pulis. 

Marami ang nagiging epekto sa mga kalokohan at kabalbalan na ginagawa ng mga politiko, pulis at iba pang government employees. Lahat naman siguro ito ay masamang epekto. Kung may makakabuti man, ehh hindi para sa Pilipinas kundi para sa sarili nilang intensyon. 

Malaki ang nagiging kontribusyon ng mga utak-talangka nating kababayan para sa ating bayan. Unang-una na dito ay hinahatak lang nila lalo ang ating mga kababayan pababa. Hindi na nga nila tinulungan, lalo pang ginagawang worst ang kalagayan at buhay ng bawat Pilipinong inaabuso ng mga lecheng taong yan. 

Talaga ngang mga EPAL kayo. Epal sa media, akala mo kung sinong mga napaka-importanteng tao sa lipunan. Epal sa kapwa epal, mga pare-pareho naman kayong epal bakit nagsisiraang puri pa kayo, eh ang kasiraan naman ng bawat isa sainyo ay pare-pareho lang din naman at uulitin ko, lahat naman kayo EPAL. Epal sa taong bayan, mga mapagbalat-kayo at mapagpanggap na mabubuti kunwari ang hangarin pero ang katotohanan naman ay hindi. At higit sa lahat ay EPAL sa lipunan, mapang-abuso, mga corrupt, mapagpanggap, kupal, at mga utak-talangka.

bulongnghangin

tama pero parang edited lang yung pics

(via bersikulo)